ബിജെപിയിലേക്ക് ഇനിയും മുഖ്യമന്ത്രിമാരുടെ മക്കൾ വരാനുണ്ടെന്ന് പത്മജ വേണുഗോപാൽ. വരാനിരിക്കുന്നവർ ആരൊക്കെയെന്നത് ഇപ്പോൾ പറയില്ലെന്ന് അവർ പറഞ്ഞു. കണ്ണൂരിൽ എൻഡിഎ തെരഞ്ഞെടുപ്പ് ഓഫീസ് ഉദ്ഘാടനത്തിൽ പങ്കെടുത്ത് സംസാരിക്കുകയായിരുന്നു പത്മജ. കോൺഗ്രസ് വിട്ട് മുൻ മുഖ്യമന്ത്രിമാരായ ഏകെ ആൻറണി, കെ കരുണാകരൻ എന്നിവരുടെ മക്കൾ ബിജെപിയിലേക്ക് ചേർന്നത് സംസ്ഥാന രാഷ്ട്രീയത്തിൽ തന്നെ വലിയ ചലനങ്ങളാണ് സൃഷ്ടിച്ചത്. ഏകെ ആൻറണിയുടെ മകൻ അനിൽ ആൻറണി, കെ കരുണാകരന്റെ മകൾ പത്മജ വേണുഗോപാൽ എന്നിവരാണ് കോൺഗ്രസ് വിട്ട് ബിജെപിയിലേക്ക് പോയത്. കോൺഗ്രസിൽ നിന്ന് ഇനിയും കൂടുതൽ പേർ ബിജെപിയിലേക്ക് മാറുമെന്ന സൂചന നേരത്തെ തന്നെ പത്മജ നൽകിയിരുന്നു.
Consideration in BJP when women are cornered in Congress; Padmaja Venugopal
